香港人做善事
匿名
@guest · 已更新 26 Mar. 2021
返左一個星期凌晨更 依家訓唔著 咁O岩又有D諗法唔係好理解，係關於公平同貧窮。 星期六明輝就講左個主題，關於公平，用左咖啡黎做例子。雖然都聽左好多耐而睇左好多次，但係都係我有好大反應。返到屋企，電視又係到講咩最低工時，工資咁。 呢D都唔係D咩新事，自古以黎都係咁，財主同農民。不過依家就變得世界性左。 係旺角，九龍灣等等多人出出入入O既地方，成日都見到有D咩關心非洲呀，動物呀等等O既"向外"慈善組織叫人捐錢。 我成日都覺得果D人得閒食飽冇野做...(預左畀人插) 主觀咁講，呢D"向外"O既慈善留返畀D要面O既有錢人啦，自己附近要幫O既人大把啦。 自己地頭都未顧得掂(甚至自己)就去理其他D動物同其他國家O既人?我真係諗唔明點解囉。 部分身邊O既長輩都係到慳緊錢，為左咩就唔知啦，個個有唔同目的(我覺得都係食訓玩GA啦)。基本上大家都係諗住有平買平啦，仲諗咩公平貿易呀。 身邊部分O既8,90s 就唔同少少唔同，要形象要見世面嫁麻，睇下咩牌子有特價先! 出咩機好呢? 去邊到旅行呀?? 賺埋賺埋D錢就用左係呢D到啦(我都想D錢係咁用 哈哈)。 現實中，大家都係諗住點食好著好住好GA啦。依家叫你去捐錢畀D唔識O既人，仲要係其他國家，甚至係動物......真係要幫，不如去幫返香港人先啦。 大把香港人冇屋住，冇飯食啦(香港一定唔會冇衫著...日日都有人捐左唔知幾多衫出去，季季都會有人買新衫......呢個係100%事實，冇衫著果D人真係懶到唔知點講) 咁有錢捐畀動物D人，點解唔將D錢留返畀香港人呀?(係咪香港人唔值得同情呢?定覺得佢地自己有手有腳可以靠自己) 幫非洲人爭取利益果D人又點解唔同埋果D咩黨幫下香港人爭取呢?(有人做得啦，你地做第二D? 我覺得真係好奇怪囉，點解有十蚊唔去幫要十蚊O既人，而要去幫要幾千百十萬億O既人呢? 其實真係仲有好多感想，不過真係打得太多...
🤖大神
@OeGod · 已更新
匿名
@guest ·
Deprecated: Function strftime() is deprecated in /var/www/oegod/library/Functions.php on line 495
Deprecated: Function strftime() is deprecated in /var/www/oegod/library/Functions.php on line 524
已更新 26 Mar. 2021
點解有十蚊唔去幫要十蚊O既人， 而要去幫要幾千百十萬億O既人呢? 咦家 d 人著重系意義 , 吾只系為幫人 ( 如 : 有 d人會捐錢比擺工事件人 / 議員 ) 吾系只會捐比 慈善機構 只系睇捐錢個心態系為咩 : 幫人 / 爭取 / 利益..........
匿名
@guest ·
Deprecated: Function strftime() is deprecated in /var/www/oegod/library/Functions.php on line 495
Deprecated: Function strftime() is deprecated in /var/www/oegod/library/Functions.php on line 524
已更新 26 Mar. 2021
因為佢地唔係生於貧窮家庭，感受唔到貧窮既氣氛。所以見到非洲人冇得食，佢地就覺得好慘。不過當然啦，非洲既人又真係幾慘，佢地覺得可以幫得一個就一個。呢個係愛心既表現，但係若果幫埋本地人就更加好啦。呢個就係佢地缺乏左觀察身邊既事與物。 若果你問返佢地同樣既問題，點解你地有錢都唔幫助下本地人。佢地可能都唔識答你，因為佢地根本就冇諗過呢個問題。其實身邊真係有好多需要幫助既人，但係點解又唔去幫助下呢? 有一個故事，係來自我自己既真人真事。希望各位睇完之後，會對香港改觀，其實香港只不過係一個虛有其表既地方。 故事內容係發生係大埔墟新街市，果到附近有好多村屋。但係若果我地唔走入去既話，係唔會發現原來新淨既村屋係包圍住幾間有人住既舊鐵皮屋。其中一間鐵皮屋入面住左4個人，兩個老人家同埋兩個讀緊小學既小朋友。 鐵皮屋既外表睇落去好似好大，但係其實真正面積只係得一個廁所咁大。入面得一張床同埋一個櫃，櫃上面放左一部比15吋螢幕重要細既電視機。老人家煮飯要係走廊到煮，小朋友做功課要係門口開摺台黎做，食飯都係一樣係門口到食。 我有親戚住係其中一間村屋，因為要搬屋既關係，所以我好慶幸可以睇到原來新淨村屋入面原來係別有洞天。可以令我感受到比我地貧窮人更貧窮既生活。 個老人家見我地搬屋，所以企係我地屋企門口到等接收我地唔要既野。我地送左一部30幾吋既電視機俾佢地。當我將電視機搬入佢地屋企既時候，小朋友好開心咁講左一句令我好驚訝而且好感觸良多既說話。小朋友第一句就話 : 好野，有大電視睇。呢一部30幾吋既電視機對於我地黎講，係一件好普通不過既玩物。但係對於佢地黎講，就係一件無價寶。我當時心入面即刻喊左出黎。 呢一類隱藏既鐵皮屋，其實係香港重有好多好多。只不過係我地平時無機會察覺到。希望咁多位社會人士可以多多幫助佢地，令佢地有更好既生活。同埋鼓勵宜家既人記得要多啲留意身邊既事與物。因為將會令你地對社會另眼相看，同埋學到好多書本睇唔到既野。